İQTİSADİYYAT


“Sahibkarların I beynəlxalq onlayn forumu - Bakı 2020” keçiriləcək

Bakı, 11 sentyabr, AZƏRTAC

Sentyabrın 22-23-də Azərbaycanda ilk dəfə olaraq Kiçik və Orta Biznesin İnkişafı Agentliyinin (KOBİA) dəstəyi ilə “Sahibkarların I beynəlxalq onlayn forumu - Bakı 2020” keçiriləcək.

KOBİA-dan AZƏRTAC-a bildirilib ki, onlayn forumun məqsədi koronavirus (COVID-19) pandemiyası şəraitində və postpandemiya dövründə sahibkarların motivasiya edilməsi və beynəlxalq təcrübənin öyrənilməsidir. Sahibkar düşüncə tərzinin təşviqi, xüsusilə gənclər və qadınlar arasında sahibkarlıq fəaliyyətinə marağı artırmaq, sosial sahibkarlıq sahəsində fəaliyyət göstərən və biznesə yeni başlayan gənclərin motivasiya edilməsi, mövcud sahibkarların pandemiya dövründə qarşılaşdıqları çətinliklərin müzakirə olunması forumun başlıca hədəfləri sırasındadır. Onlayn forum çərçivəsində mövcud pandemiya şəraitində fəaliyyətini davam etdirən sahibkarların uğur hekayələri paylaşılacaq, beynəlxalq spikerlər vasitəsilə xarici təcrübə öyrəniləcək. Onlayn foruma Türkiyə, Almaniya, Finlandiya, Birləşmiş Ərəb Əmirlikləri, Gürcüstan, Rusiya, Pakistan, İspaniya və sair kimi ölkələrdən iştirakçı və spiker qismində iş adamları qatılacaq.

“SA Consulting” MMC-nin təşkilatçılığı ilə keçiriləcək forumun tərəfdaşları “Odlar Yurdu” Gənclər İctimai Birliyi, “SAT Group”, Sosial Biznes Gənclər Mərkəzi, “Networking.az” biznes klubu, “Majlis Business Network” və Avrasiya İqtisadi Əlaqələr Dərnəyidir.

Forumda iştirak üçün son qeydiyyat tarixi sentyabrın 21-i saat 15:00-dır. Tədbirdə iştirak etmək üçün bu keçidə daxil olmaqla qeydiyyatdan keçmək lazımdır - https://bit.ly/33e0toZ.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.