İDMAN


Şahmat tacı uğrunda matçın mükafat fondu artırılır

Bakı, 2 noyabr, AZƏRTAC

Beynəlxalq Şahmat Federasiyasının (FIDE) prezidenti Arkadi Dvorkoviç bildirib ki, şahmat tacı uğrunda matç üçün mükafat fondu artırılacaq.

AZƏRTAC TASS informasiya agentliyinə istinadla xəbər verir ki, şahmat tacı uğrunda matç noyabrın 9-dan 28-dək Londonda keçiriləcək. Çempion titulu uğrunda hazırkı dünya çempionu norveçli Maqnus Karlsen və amerikalı Fabiano Karuana mübarizə aparacaqlar.

Mükafat fondlarını artırmağın FIDE-nin əsas vəzifələrindən biri olduğunu diqqətə çatdıran Dvorkoviç qeyd edib ki, bu, həm qadınlar arasında dünya çempionatına, həm də şahmat tacı uğrunda kişilərin matçına şamil olunur. “Turnirlərin nüfuzunu qaldırmaq üçün bu addımlar çox vacibdir. Hazırda qadınların çempionatında mükafat fondu çox azdır”,- deyə FIDE prezidenti əlavə edib.

Hazırda kişilərdə mükafat fondu 1 milyon, qadınlarda isə 250 min avro təşkil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.