İDMAN


Şahmat üzrə “Masters” turnirində Nicat Abasov məğlubiyyətsiz irəliləyir

Bakı, 17 iyun, AZƏRTAC

İyunun 16-da ənənəvi Praqa şahmat festivalının əsas yarışının – “Masters” turnirinin üçüncü turunun oyunları keçirilib.

AZƏRTAC xəbər verir ki, Azərbaycan şahmatçısı Nicat Abasov üçüncü turda qara fiqurlarla Polşanın ən güclü şahmatçısı Yan-Kşıştof Duda ilə üz-üzə gəlib. Qarşılaşma heç-heçə ilə başa çatıb. Turun digər oyunlarında polşalı digər şahmatçı Radoslav Voytaşek niderlandlı Jorden Van Forestlə, Çexiya təmsilçisi Tay Dan Van Nquyen isveçli Nils Qrandeliusla heç-heçə edib. ABŞ təmsilçisi Sem Şenkland isə Çexiyanın digər şahmatçısı David Navaranı məğlub edib.

Üç turun birini qələbə, ikisini heç-heçə ilə başa vuran N.Abasov 2 xalla ikinci yerdə qərarlaşıb.

Turnir 7 turdan ibarətdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.