İDMAN


Şahmat üzrə Qran-Pri turnirinin vaxtı və keçiriləcəyi şəhərlərin adları açıqlanıb

Bakı, 8 fevral, AZƏRTAC

Dörd mərhələdən ibarət olacaq şahmat üzrə “Qran-Pri 2019” seriyasının yarışlarına Rusiya, Latviya, Almaniya və İsrail ev sahibliyi edəcək.

AZƏRTAC FIDE-nin saytına istinadla xəbər verir ki, builki Qran-Prinin ilk yarışı mayın 16-30-da Moskvada keçiriləcək. Seriyanın digər yarışları iyulun 11-25-də Yurmalada, noyabrın 4-18-də Hamburqda, dekabrın 10-24-də Təl-Əvivdə təşkil olunacaq.

Nüfuzlu turnirdə dünyanın ən güclü 20 şahmatçısı iştirak edəcək. Şahmatçılarımız Şəhriyar Məmmədyarov və Teymur Rəcəbov da Qran-Pridə mübarizə aparacaqlar. FIDE-nin 12 nəfərlik ehtiyat şahmatçılar siyahısında Azərbaycan təmsilçisi Arkadi Naydiçin də adı var.

Xatırladaq ki, 2017-ci ildə keçirilən sonuncu Qran-Pri seriyasının qalibi Şəhriyar Məmmədyarov olub. Teymur Rəcəbov isə həmin yarışda üçüncü yeri tutub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.