İDMAN


Şahmat üzrə müxtəlif yaş qrupları üzrə Azərbaycan birinciliyi start götürüb

Bakı, 16 iyun, AZƏRTAC

Bu gün şahmat üzrə 8-10-12-14-16-18 yaşlı oğlanlar və qızlar arasında Azərbaycan çempionatına start verilib.

Azərbaycan Şahmat Federasiyasından AZƏRTAC-a bildiriblər ki, 3 nömrəli ixtisaslaşdırılmış olimpiya ehtiyatları uşaq-gənclər şahmat-idman məktəbində təşkil edilən turnirdə 193 oğlan, 121 qız iştirakçı olmaqla, ümumilikdə 314 nəfər medallar uğrunda mübarizə aparır.

Çempionatda hər kateqoriya üzrə ilk üç yeri tutan şahmatçılar Azərbaycan Gənclər və İdman Nazirliyinin diplomları və federasiyanın medalları ilə təltif olunacaqlar. Həmçinin qaliblərə federasiya tərəfindən pul mükafatı veriləcək. Birinci yeri tutan şahmatçılar 2022-ci ildə müvafiq yaş qruplarında keçiriləcək dünya, ikinci yerin sahibləri isə Avropa çempionatlarında ölkəmizi təmsil edəcəklər.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.