REGİONLAR


Şahmatçılar Ağbulaqda təlim-məşq toplanışında olublar

Şahbuz, 6 avqust, AZƏRTAC

Naxçıvan Muxtar Respublikası Şahmat Federasiyası yuxarı yaş kateqoriyalı şahmatçılar üçün Ağbulaq İstirahət Mərkəzində üçgünlük təlim-məşq toplanışı təşkil edib.

AZƏRTAC-ın Naxçıvan bürosu xəbər verir ki, təlim-məşq toplanışında muxtar respublikada fəaliyyət göstərən şahmat məktəblərindən, ümumilikdə, 30 şagird və 4 müəllim iştirak edib. Zəka sahibləri 3 gün ərzində intensiv təlim-məşqlərini davam etdiriblər.

Beynəlxalq usta Toğrul Həsənzadə “Oyun ortasındakı vəziyyətlər və passiv fiqurun aktivləşdirilməsi” mövzularında və başqa öyrədici mövzularda şahmatçılarla biliklərini bölüşüb.

Təlim-məşq toplanışı çərçivəsində şahmatçıların istirahəti də təşkil olunub, onlar mərkəzin imkanlarından yararlanıb, şahmat yarışlarında iştirak ediblər.

Qeyd edək ki, təlim-məşq toplanışının keçirilməsində məqsəd gənc şahmatçıları qarşıdakı turnirlərə hazırlamaq, onların oyun təcrübəsini artırmaqdan ibarət olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.