İDMAN


Şahmatçılar arasında onlayn Avropa çempionatında Azərbaycanı 24 idmançı təmsil edəcək

Bakı, 17 sentyabr, AZƏRTAC 

Sentyabrın 18-də 12, 14, 16 və 18 yaşadək şahmatçılar arasında onlayn Avropa çempionatı start götürəcək.

AZƏRTAC xəbər verir ki, qitə birinciliyində Azərbaycanı bütün yaş qruplarında şahmatçılar təmsil edəcəklər. Belə ki, 18 yaşadək şahmatçıların mübarizəsində təmsilçilərimizdən Abdulla Qədimbəyli, Məhəmməd Muradlı, Sadiq Məmmədov, Gövhər Beydullayeva, Ləman Hacıyeva və Ayan Allahverdiyeva yarışacaqlar. Aydın Süleymanlı, Əhməd Əhmədzadə, Xəzər Babazadə, Mələk İsmayıl, Səbinə Rzalı, Nəsrin Babayeva 16, Read Səmədov, Ümid Aslanov, Hüseyn Seyid, Səmra Qasımova, Aysel Cəfərova, Nazlı Hümbətova 14 yaşadək şahmatçılar arasında mübarizə aparacaqlar. Aşağı yaş qrupunda – 12 yaşadək idmançıların yarışında isə Cahandar Azadəliyev, Xəqan Əhməd, Faiq Orucov, Nərmin Abdinova, Leyla Budaqova, Lalə Hüseynova iştirak edəcəklər.

Doqquz turdan ibarət turnir İsveçrə sistemi üzrə keçiriləcək. Turnirə sentyabrın 20-də yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.