CƏMİYYƏT


“Saipem” “İsrafil Hüseynov” gəmisində baş verən partlayışla bağlı məlumat yayıb

Bakı, 10 may, AZƏRTAC

İtaliyanın “Saipem” şirkəti “İsrafil Hüseynov” gəmisində baş verən partlayışla əlaqədar məlumat yayıb.

Şirkətdən AZƏRTAC-a bildirilib ki, daha əvvəl bildirildiyi kimi, mayın 8-də 18:30 radələrində “Şahdəniz-2” layihəsi çərçivəsində “Saipem”in Xəzər dənizində boru düzmək üçün istifadə etdiyi “İsrafil Hüseynov” gəmisində partlayış baş verib. Mayın 9-u səhər saatlarında qəzada xəsarət alan 14 nəfər “Saipem” şirkətinin işçiləri xəstəxanaya çatdırılıb. Qəza borudüzmə işləri zamanı avadanlığın bir hissəsi üzərində aparılan texniki qulluq əməliyyatları ilə əlaqədar olub.

Xəsarət almış 14 nəfərdən 7 nəfəri reanimasiya şöbəsinə yerləşdirilib. Xəsarət alan şəxslər Azərbaycan, İtaliya, Böyük Britaniya, Rumıniya, Malayziya və Xorvatiya vətəndaşlarıdırlar.

Zərərçəkənlərə və onların ailə üzvlərinə şəfqət hissini ifadə edərək “Saipem” şirkəti yüngül xəsarət alan şəxslərin dərhal vətənlərinə qaytarılmasını təmin etməklə yanaşı, ciddi xəsarət alan digər şəxslərin xüsusi tibbi mərkəzlərə köçürməsini təmin edəcək.

“Saipem” şirkəti enerji və infrastruktur sektorlarındakı başlıca layihələrin mühəndisliyi, qazma və tikinti işləri üzrə aparıcı şirkətdir. 60-dan çox ölkədə fəaliyyət göstərən şirkət 32 min işçi heyətinə malikdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.