SİYASƏT


Salome Zurabişvili: Heç bir problem bizim mehriban qonşuluq münasibətlərimizə mane olmamalıdır

Tbilisi, 26 may, AZƏRTAC

Gürcüstan ilə Azərbaycan arasında sərhədlərin delimitasiyası işini yekunlaşdırmaq, bu problemi həll etmək lazımdır. Lakin heç nə bizim mehriban qonşuluq münasibətlərimizə və bölgədə sabitliyə mane olmamalıdır.

AZƏRTAC xəbər verir ki, bu fikirləri Gürcüstan Prezidenti Salome Zurabişvili ölkənin Müstəqillik Gününə həsr olunmuş tədbirdəki çıxışında söyləyib.

Dövlət başçısı deyib: “Hamıya aydındır ki, dövlətin müstəqilliyi sərhədsiz qoruna bilməz. Buna görə də mən dost ölkələrə səfərlərim zamanı sərhədlərin delimitasiyası məsələsini qaldırmışam”.

S.Zurabişvili Gürcüstan ilə Azərbaycan arasında sərhədlə bağlı komissiyanın fəaliyyətinin bərpa olunmasını alqışladığını vurğulayıb və yaxın gələcəkdə dövlətlərin maraqlarına uyğun nəticə əldə ediləcəyinə ümid bəslədiyini bildirib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.