MƏDƏNİYYƏT


Salvador Dalinin qızı ilə əlaqədar bioloji testin nəticələri məlum olub

Bakı, 7 sentyabr, AZƏRTAC

Məşhur ispan rəssamı Salvador Dalinin DNK testinin nəticələrinə əsasən onun öncəgörən Pilar Abelin atası olmadığı aşkar edilib.

AZƏRTAC lenta.ru saytına istinadən xəbər verir ki, bioloji testin nəticələri sentyabrın 18-də keçiriləcək məhkəmədə əsas sübut olacaq, çünki 61 yaşlı qadının rəssamla ailə qohumluğunun mövcudluğu üzə çıxmayıb.

Xatırladaq ki, Madrid məhkəməsi Pilar Abelin iddiasına əsasən atalığın müəyyənləşdirilməsi ilə əlaqədar rəssamın meyitinin qalıqlarının eksqumasiyası barədə verdiyi qərara görə iyul ayında onun məzar açılmışdı. Pilar Abel 1955-ci ildə rəssamın onun anası ilə sevgili olduğunu iddia edirdi və məhkəmədən Salvador Dalinin qızı kimi tanınmasını tələb edirdi.

Qeyd edək ki, 1904-1989-cu illərdə yaşayan S.Dali sürrealizm cərəyanının məşhur nümayəndələrindən biridir. O, yüzlərlə rəsm əsəri, kitablar üçün illüstrasiyaların, heykəllərin müəllifidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.