CƏMİYYƏT


Salyan rayonunda ilk dəfə səs verəcək gənclər seçki qaydaları haqqında maarifləndiriliblər

Bakı, 21 noyabr, AZƏRTAC

Dekabrın 23-də keçiriləcək bələdiyyə seçkilərində ilk dəfə səs verəcək salyanlı gənclərlə görüş olub.

AZƏRTAC Gənclər və İdman Nazirliyinin saytına istinadla xəbər verir ki, dəyirmi masada Salyan Rayon Gənclər və İdman İdarəsinin rəisi Araz Hüseynov Azərbaycan gənclərinin ictimai həyatın bütün sahələrində yüksək fəallıq göstərdiklərini bildirib. Qeyd edib ki, gənclərimiz ölkəmizdə yaradılan geniş imkanlardan bəhrələnən gənclər hazırda cəmiyyətin hərəkətverici qüvvəsinə çevriliblər.

Tədbirdə gənclərə seçicinin hüquq və vəzifələri haqqında ətraflı məlumat verilib. Bildirilib ki, gənclər üçün yaradılan şərait onların inkişafına, müxtəlif sahələrdə uğurla fəaliyyət göstərmələrinə imkan verir.

Sonra seçki qaydaları haqqında maarifləndirici videoçarx nümayiş etdirilib, gəncləri maraqlandıran suallar cavablandırılıb, müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.