Salyanda 50 min tondan çox taxıl tədarük olunub

Salyan, 6 iyul, Aydın Yavərzadə, AZƏRTAC

Salyanda taxıl biçini yekunlaşmaq üzrədir. Məhsulun optimal müddətdə və itkisiz yığılması üçün əraziyə kifayət sayda texnika cəlb olunub.

Rayon Statistika idarəsindən AZƏRTAC-ın bölgə müxbirinə verilən məlumata görə, Salyan rayonunda 2021-ci ildə cari ilin məhsulu üçün 15729,0 hektar taxıl səpilib. Bunun 6255,0 hektarıni buğda, 9474,0 hektarını isə arpa təşkil edib. İyulun 5-də 15709,0 hektar taxıl sahəsi biçilib və hektara 32,3 sentner olmaqla, 50716,0 ton məhsul toplanılıb. Belə ki, arpa sahəsindən 29,2 sentner olmaqla, 27671,0 ton məhsul, buğda sahəsindən 37,0 sentner olmaqla, 23045,0 ton məhsul əldə edilib.