REGİONLAR


Salyanda əsas kapitala yönəldilən investisiyanın həcmi 5 milyon manatdan çox olub

Salyan, 14 may, Aydın Yavərzadə, AZƏRTAC

2022-ci ilin I rübündə Salyan rayonunda iqtisadi və sosial sahələrin inkişafı üçün bütün maliyyə mənbələrindən əsas kapitala 5 milyon 120,6 min manat investisiya yönəldilib ki, bu da əvvəlki ilin müvafiq dövründən 1 milyon 492,2 min manat (41,1 faiz) çoxdur.

Salyan rayon Statistika İdarəsindən AZƏRTAC-ın bölgə müxbirinə verilən məlumata görə, əsas kapitala yönəldilmiş investisiyanın 3 milyon 701,5 min manatı (72,3 faizi) dövlət, 1 milyon 419,1 min manatı (27,7 faizi) qeyri-dövlət mülkiyyətinə aiddir.

2022-ci ilin I rübündə əsas kapitala yönəldilmiş investisiyanın 1 milyon 609,2 min manatını (31,4 faizini) tikinti quraşdırma işləri təşkil edib.

Təhlil olunan dövr ərzində tikinti təşkilatları tərəfindən (fiziki şəxslər daxil edilməklə) 491,1 min manatlıq tikinti-quraşdırma işləri görülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.