Salyanda istixanaların sayı artırılır
AzerTAg.az
Salyan, 9 yanvar, Mahir Babayev, AZƏRTAC
Salyanın qəsəbə və kəndlərində istixanaların şəbəkəsi ilbəil genişləndirilir, məhsul istehsalı artır.
AZƏRTAC-ın bölgə müxbiri xəbər verir ki, ötən il rayonun Qarabağlı, Yenikənd və Xələc kəndlərində hər birinin sahəsi bir hektar olmaqla, 8 müasir istixana yaradılıb, Kürsəngi kəndi ərazisində isə 60 hektar sahədə yeni istixana kompleksi istifadəyə verilib. Rayonun Qaraçala qəsəbə, Yenikənd, Yolüstü və Qarabağlı kəndlərinin ərazisindəki istixanalarda yetişdirilən faraş tərəvəz xarici bazarlara göndərilir. Rayonda faraş tərəvəz istehsalının artırılması və ixracının təşviqi istiqamətində tədbirlər davam etdirilir.
Qeyd edək ki, hazırda rayonda ümumi sahəsi 130 hektar olan 449 istixana mövcuddur. Ötən il bu istixanalarda 19 min 715 ton məhsul istehsal edilərək yerli və xarici bazarlara çıxarılıb.

Xəbərin mətnində orfoqrafik səhv var