REGİONLAR


Salyanda mini-futbol üzrə rayon birinciliyi başa çatıb

Salyan, 10 may, Mahir Babayev, AZƏRTAC 

Salyanda ümummilli lider Heydər Əliyevin anadan olmasının 96-cı ildönümü münasibətilə rayonun idarə, müəssisə və təşkilatlarının komandaları arasında keçirilən mini-futbol üzrə rayon birinciliyi başa çatıb.

AZƏRTAC-ın bölgə müxbiri xəbər verir ki, rayon icra hakimiyyəti, gənclər və idman idarəsi və Yeni Azərbaycan Partiyası Salyan rayon təşkilatının birgə təşkilatçılığı ilə keçirilən çempionatda hər qrupda 5 komanda olmaqla, iki qrupda 10 komanda mübarizə aparıb.

On gün davam edən yarışda rayon polis şöbəsinin və Fövqəladə Hallar Nazirliyinin Muğan Regional Mərkəzinin komandaları çempionatın finalına vəsiqə qazanıblar.

Final oyunu 1:0 hesabı ilə Muğan Regional Mərkəzinin xeyrinə başa çatıb.

Çempionatın ən yaxşı qapıçısı İlqar Nəcəfov, müdafiəçisi Anar Məmmədov və ən yaxşı hücumçusu isə Elmar Pavlenkov seçilib.

Sonda çempionatın seçilmiş idmançıları, I və II yeri tutan komandalar Salyan Rayon Gənclər və İdman İdarəsi tərəfindən diplom, medal, kubok və hədiyyələrlə təltif olunublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.