REGİONLAR


Salyanda taxıl sahələrinin 75,5 faizinin məhsulu yığılıb

Salyan, 20 iyun, Mahir Babayev, AZƏRTAC

Salyanda taxıl biçini sürətlə davam edir. Fermerlər məhsul yığımını tezliklə başa çatdırmaq üçün bütün imkanlardan yararlanır. İşin səmərəli təşkili nəticəsində artıq taxıl sahələrinin 75,5 faizinin məhsulu yığılıb.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, salyanlı taxılçılar ötən il əkdikləri 16 min 754 hektar taxıl sahəsinin 12 min 205 hektarında biçini başa çatdırıblar. Zəmilərdən bu günə kimi 45 min 336 ton məhsul yığılıb ki, bunun da 33 min 992 tonu arpa, 11 min 344 tonu buğdadır. Arpa sahəsinin hər hektarından 36,2, buğda sahəsindən isə 40,3 sentner məhsul götürülür.

Biçin aparılmış sahələrin hər hektarının məhsuldarlığı ötən ilin eyni dövründəkindən ümumilikdə 5 sentner çoxdur.

Rayonda taxıl biçini yaxın günlərdə yekunlaşacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.