ELM VƏ TƏHSİL


Şamaxı Astrofizika Rəsədxanasında C/2020 F3 kometasının spektral və fotometrik müşahidəsi aparılıb

Bakı, 6 avqust, AZƏRTAC

AMEA-nın Nəsirəddin Tusi adına Şamaxı Astrofizika Rəsədxanasının 2 metrlik teleskopunun Kasseqren fokusunda quraşdırılmış yeni spektroqrafında və teleskopun yönəldici köməkçi teleskop-refraktorlarından birində CCD fotometr vasitəsilə C/2020 F3 kometasının iyulun 20, 27-də spektral və fotometrik müşahidələri aparılıb.

Bu barədə AZƏRTAC-a Şamaxı Astrofizika Rəsədxanasından məlumat verilib. Bildirilib ki, iyulun 20-də kometanın Yerdən məsafəsi 104,57 milyon kilometr, iyulun 27-də isə məsafə 108,21 milyon kilometr olub. Müşahidə materiallarından alınmış nəticələrin beynəlxalq nüfuzlu jurnallarda çapı nəzərdə tutulur.

Qeyd edək ki, C/2020 F3 kometası martın 27-də NEOWISE (Yer kürəsinə yaxın kosmik obyektləri tədqiq edən teleskop) kosmik teleskopu vasitəsilə aşkar edilib. Bu kometanın Günəşə növbəti qayıdışı 6800 ildən sonra gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.