REGİONLAR


Şamaxıda 1800 hektardan çox sahədə yazlıq bitkilər əkilib

Şamaxı, 12 may, AZƏRTAC

Şamaxı rayonunda yazlıq bitkilər əkini davam edir və hələlik 1879,4 hektar sahədə əkin aparılıb.

Rayon statistika idarəsindən AZƏRTAC-ın bölgə müxbirinə verilən məlumatda bildirilir ki, əkilən sahələrin 664 hektarı dənli və dənli-paxlalı bitkilər, 545 hektarı qarğıdalı, 267 hektarı şəkər çuğunduru, 266 hektarı kartof, 122 hektarı tərəvəz, 15 hektarı bostan bitkiləridir. Əkin sahələri ötən ilin müvafiq dövrü ilə müqayisədə 162 hektar çoxdur. Bu mühüm kampaniyada rayonun Qızmeydan, Göylər, Quşçu, Nağaraxana, Hacıqədirli və bir sıra digər icra nümayəndəliklərində daha yüksək fəallıq göstərilir.

Qeyd edək ki, ötən il Şamaxıda 1947,7 hektarda yazlıq bitkilər əkilmişdi. Cari mövsümdə bu göstəricinin 2000 hektardan çox olacağı gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.