REGİONLAR


Şamaxıda cari mövsümdə 2500 ton kartof istehsalı gözlənilir

Şamaxı, 5 iyul, AZƏRTAC 

Şamaxı rayonunda kartof yığımına başlanılıb və az vaxtda 364 ton məhsul istehsal olunub.

Rayon statistika idarəsindən AZƏRTAC-ın bölgə müxbirinə bildirilib ki, bu il bölgədə 353,5 hektarda yazlıq kartof yetişdirilib. Əkin sahəsi ötən ildəkindən 86 hektar çoxdur.

Hazırda rayonun cənub ərazilərində, o cümlədən Quşçu, Göylər, Hacıqədirli və bir sıra digər ərazi vahidlərində torpaq mülkiyyətçiləri ağır zəhmət bahasına yetişdirdikləri və ailə büdcəsinə yaxşı gəlir gətirən məhsulun yığımını həyata keçirirlər. Az vaxtda 364 ton kartof yığılıb.

Qeyd edək ki, yerli sakinlər kartofçuluqla daha çox bölgənin şimal ərazilərində, xüsusilə Qızmeydanda, Nağaraxanada, Məlhəmdə, Çuxuryurdda, Hacılıda məşğuldurlar. İyulun ikinci yarısından həmin ərazilərdə də kütləvi yığıma başlanılacaq.

Mütəxəssislər cari mövsümdə rayonda azı 2500 ton kartof istehsal ediləcəyi qənaətindədirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.