REGİONLAR


Şamaxıda zəlzələ nəticəsində yararsız vəziyyətə düşən evlərin sökülməsinə başlanılıb

Şamaxı, 9 fevral, AZƏRTAC

Şamaxıda baş verən zəlzələnin nəticələrini aradan qaldırmaq istiqamətində tədbirlər davam etdirilir.

Rayon fövqəladə hallar komissiyasından AZƏRTAC-ın bölgə müxbirinə bildirilib ki, Prezident İlham Əliyevin Şamaxıya səfəri zamanı zəlzələnin fəsadlarının təcili aradan qaldırılması istiqamətində verdiyi tapşırıqların dərhal icrasına başlanılıb. Belə ki, şəhərin Salman Mümtaz 33, Vidadi Məmmədov 7, Hacı Məmmədov 23 və Səttat Bəhlulzadə 10 ünvanlarında yerləşən qəzalı evlərin yenidən tikilməsi üçün söküntü işlərinə start verilib. Həmin evlərin sahibləri isə kirayə mənzillərə yerləşdirilib.

Fövqəladə Hallar Nazirliyinin və rayon icra hakimiyyətinin nümayəndələrindən ibarət komissiya vəziyyətin araşdırılması, zərərin tam müəyyənləşdirilməsi istiqamətində fəaliyyətini davam etdirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.