İDMAN


Sambo Beynəlxalq Olimpiya Komitəsi tərəfindən müvəqqəti tanınıb

Bakı, 30 noyabr, AZƏRTAC

Sambo idman növü Beynəlxalq Olimpiya Komitəsi (BOK) tərəfindən müvəqqəti olaraq tanınıb. Bu barədə TASS agentliyinə Beynəlxalq Sambo Federasiyasında (FIAS) məlumat verilib.

AZƏRTAC xəbər verir ki, bu qərar BOK-un İcraiyyə Komitəsinin Tokioda keçirilən iclasında qəbul olunub. FIAS-ın prezidenti Vasili Şestakov bununla bağlı deyib: “Bu gün dünyanın bütün samboçularının arzusu yerinə yetib – sambo idman növü kimi Beynəlxalq Olimpiya Komitəsi tərəfindən müvəqqəti olaraq tanınıb”.

BOK-un bu addımı sambonun gələcəkdə Olimpiya proqramına daxil edilməsi, həmçinin FIAS-ın BOK tərəfindən hər il maliyyə vəsaiti almasına imkan verəcək. FIAS Olimpiya ailəsinə daxil olmaqla bağlı niyyətini ilk dəfə 2009-cu ildə elan edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.