DÜNYA


“Samsung” şirkəti fırlanan kameraya malik “Galaxy A80” smartfonunu təqdim edib

Bakı, 11 aprel, AZƏRTAC

“Samsung Electronics” şirkəti irəli çəkilən və fırlanan kameraya malik “Galaxy A80” smartfonunu təqdim edib.

AZƏRTAC xarici KİV-lərə istinadla xəbər verir ki, 48 meqapiksellik əsas kamera həm gündüz, həm də gecələr parlaq fotoşəkillər çəkir. Həmçinin cihaza 123 dərəcəlik baxış bucağına malik 8 meqapiksellik ultrageniş modul quraşdırılıb.

“Galaxy A80” aparatı “Full HD+” (1080x2400 piksel) təsvir ölçülü 6,7 düymlük “Super AMOLED” displeylə təchiz edilib, barmaq izi skaneri birbaşa ekrana inteqrasiya edilib. 3700 milliamper/saat tutumunda akkumulyator 25 vatt gücündə sürətli enerjidoldurma texnologiyasına malikdir. Bundan başqa, smartfon “Snapdragon 675” prosessoru, 8 QB əməli yaddaş və 128 QB daxili fləş yaddaşla təchiz edilib. Yaddaşın kart vasitəsilə artırılması imkanı nəzərdə tutulmayıb.

Smartfon “Android 9.0 Pie” əməliyyat sisteminin idarəetməsi altında işləyir. “Samsung Pay” (NFC+MST) mobil ödəniş sistemi dəstəklənir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.