REGİONLAR


Samuxda heyvandarlıq məhsullarının istehsalı artıb

Samux, 5 avqust, Elcan Məmmədov, AZƏRTAC

Samux rayonunda cari ilin birinci yarısında 935 baş iribuynuzlu mal-qara elit törədicilərin toxumları ilə süni mayalandırılıb. Heyvanların süni mayalandırılmasından 317 baş bala alınıb.

Rayonun statistika idarəsindən AZƏRTAC-ın bölgə müxbirinə verilən məlumata görə, 2022-ci il iyulun 1-nə rayonda iribuynuzlu mal-qaranın baş sayı 23 min 940 başa, qoyun və keçilərin baş sayı isə 132 min 733 başa çatıb.

Ümumiyyətlə, 2014-cü ildən bəri rayonda süni mayalanmadan 10 min 499 baş cins buzov doğulub. Aqrolizinq yolu ilə alınan cins mal-qaranın və süni mayalanmadan alınan buzovların hesabına rayonda cins mal-qaranın sayı yerli mal-qaranın sayını üstələyib.

Samuxda mal-qaranın cinsinin yaxşılaşdırılması heyvandarlıq məhsulları istehsalının artmasına səbəb olub. Ötən ilin birinci yarısında rayonda ət istehsalı (diri çəkidə) 2759 ton, süd istehsalı 15 min 490 ton, yumurta istehsalı isə 5126 min ədəd, yun istehsalı isə 220 ton olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.