DÜNYA


Şanxayda “Disneyland” yenidən açılıb və restoranların fəaliyyətinə icazə verilib

Bakı, 30 iyun, AZƏRTAC

Şanxay şəhərinin koronavirus səbəbindən bağlanan “Disneyland” əyləncə mərkəzi üç aylıq fasilədən sonra İyunun 30-da yenidən fəaliyyətə başlayıb.

AZƏRTAC Sinxua agentliyinə istinadla xəbər verir ki, hakimiyyət orqanları şəhərdə epidemioloji vəziyyətin yaxşılaşması fonunda əyləncə mərkəzinin açılmasına icazə verib.

“Disneyland”i ziyarət etmək istəyən insanlar koronavirus testinin 72 saatı ötməyən mənfi nəticəsini təqdim etməli, maska taxmalı və onların hərarətləri ölçülməlidir.

Şəhər administrasiyasının göstərişinə əsasən, epidemioloji risk zonalarında olmayan və son həftə ərzində COVID-19 infeksiyasına yoluxma halları qeydə alınmayan ərazilərdə yerləşən restoranlar müştərilərə yerində xidmət göstərə bilər. Lakin həmin iaşə müəssisələrinin tutumu maksimum 50-70 faiz təşkil etməlidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.