DÜNYA


“Saudi Aramco” Çinin 5 şirkəti ilə neft tədarükünə dair müqavilə imzalayıb

Bakı, 21 noyabr, AZƏRTAC

Səudiyyə Ərəbistanının milli neft şirkəti “Saudi Aramco” Çinin 5 şirkəti ilə neft tədarükünə dair müqavilə imzalayıb.

AZƏRTAC xəbər verir ki, bu barədə “Saudi Aramco” məlumat yayıb. Bildirilir ki, şirkət Çinin 5 şirkəti ilə neft razılaşması imzalayıb. Bu müqavilələrdən sonra “Aramco”nun Çinə neft tədarükü 2019-cu ildə gündəlik 1,67 milyon barrel olacaq.

Qeyd edək ki, mərkəzi ofisi Səudiyyə Ərəbistanının Zəhra şəhərində yerləşən şirkət ilk neft quyusunu 1935-ci ildə qazıb. Şirkətin 261 milyard barrel nefti var və bu rəqəm ABŞ-ın ən böyük neft şirkəti “ExxonMobile”nin həcmlərindən 10 dəfə çoxdur. Dünyada hasil edilən hər 8 barrel neftdən birini “Saudi Aramco” çıxarır. Şirkətdə təxminən 51 min Səudiyyə Ərəbistanı vətəndaşı və 10 min 300 əcnəbi çalışır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.