DÜNYA


Saxta qızıl külçələr hazırlayan cinayətkarlar saxlanılıb

Praqa, 18 avqust, AZƏRTAC

Çexiyada Mütəşəkkil cinayətkarlığa qarşı mübarizə üzrə Milli Mərkəzin mətbuat katibi Yaroslav İbeqey jurnalistlərə bildirib ki, saxta qızıl külçələr hazırlamaqla məşğul olması sübut edilmiş 4 kişi və 1 qadın əmlakları müsadirə olunmaqla 2 ildən 4 ilə qədər həbs cəzasına məhkum ediliblər.

Onlar sarı metaldan hazırlanmış, üzərində İsveçrənin məşhur bir firmasının nişanı, seriya nömrəsi və “sertifikatı” olan külçələri satış üçün və ya girov kimi təklif edirlərmiş. Cinayətkarlar çəkisi 250 qram olan belə metal “kərpic”ləri hər birinin bazar qiyməti 250.000 kron (9.600 avro) təşkil edən 24 karatlıq qızıl külçələr kimi qələmə verirdilər. Əslində isə bu külçələr içərisinə volfram çubuqlar doldurulmuş qızıl qutular olub.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.