CƏMİYYƏT


Sayyad Masud Çişti: Bakıda keçirilən skaut konfransı dünyaya dostluq və sülh mesajını verdi VİDEO

Bakı, 18 avqust, AZƏRTAC

Bakıda keçirilən Dünya Skaut Konfransı dünyaya dostluq və sülh mesajını verdi. Yeni dostların qazanılması, skautinqin inkişaf etdirilməsi, kreativ ideyaların gerçəkləşdirilməsi və ölkələrin turizm potensialının təbliği istiqamətində Bakı konfransının əhəmiyyəti böyükdür.

Bu sözləri AZƏRTAC-a müsahibəsində 41-ci Dünya Skaut Konfransının iştirakçısı, Pakistan Özəl Məktəblər Milli Assosiasiyasının prezidenti Sayyad Masud Çişti deyib.

Pakistanlı qonaq bildirib ki, Bakıda keçirdiyi günlər onun yaddaşında xoş izlər buraxacaq: “Artıq Bakı konfransının sonuna yaxınlaşırıq. Konfrans hər bir iştirakçının skautinq sahəsində yeni biliklər əldə etməsində mühüm rol oynayacaq. Onu da xüsusi vurğulamaq istərdim ki, Bakı konfransı digərlərindən yüksək təşkilatçılığı ilə fərqlənir. Ölkənizdə skautinqin inkişafı üçün hər cür şərait var. Azərbaycan zəngin adət-ənənəyə və mədəniyyətə sahibdir. Bütün bu gözəlliklərin təbliğində skautinqin də mühüm rolu var. Mən Azərbaycana ilk dəfədir gəlirəm. Burada gördüklərim məni valeh etdi”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.