“Science 4.0”ın formalaşmasının elmi-nəzəri və praktiki problemləri tədqiq olunur

Bakı, 24 dekabr, AZƏRTAC

Elm və Təhsil Nazirliyinin İnformasiya Texnologiyaları İnstitutunda “Science 4.0”ın formalaşmasının elmi-nəzəri və praktiki problemləri tədqiq olunur.

İnstitutdan AZƏRTAC-a bildirilib ki, cari ildə “Science 4.0”ın formalaşmasının konseptual və arxitektur-texnoloji prinsipləri işlənilib, bu istiqamətdə informasiya təhlükəsizliyi problemləri və onların həlli mexanizmləri tədqiq olunub.

“Industry 4.0” platformasında kritik infrastrukturların kiberdayanıqlılığının təmin olunması üçün intellektual texnologiyalar işlənilib, “Industry 4.0” həlləri əsasında vətəndaş elminin inkişafı perspektivləri araşdırılıb.