CƏMİYYƏT


Səbail rayonunda Nəsiminin 650 illiyi ilə bağlı ağacəkmə aksiyası keçirilib

Bakı, 6 dekabr, AZƏRTAC

Səbail rayonunun Abbasqulu Abbaszadə küçəsində böyük mütəfəkkir-şair İmadəddin Nəsiminin anadan olmasının 650 illiyi ilə bağlı ağacəkmə aksiyası keçirilib.

AZƏRTAC-xəbər verir ki, aksiyaya rayon rəhbərliyi, Ekologiya və Təbii Sərvətlər Nazirliyinin əməkdaşları, mədəniyyət və ictimaiyyət nümayəndələri qatılıblar. Tədbir çərçivəsində 1 hektar sahədə beş minə yaxın müxtəlif növ ağac əkilib.

Qeyd edək ki, bu il Nəsiminin anadan olmasının 650 illiyi tamam olur. Bununla əlaqədar olaraq, Prezident İlham Əliyev 2019-cu ili Azərbaycanda “Nəsimi ili” elan edib. Azərbaycanın ədəbi-mədəni fikir tarixinin bu əlamətdar hadisəsinin dövlət səviyyəsində layiqincə qeyd edilməsi məqsədi ilə Azərbaycan Respublikası Prezidentinin “Böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında” 2018-ci il 15 noyabr tarixli 689 nömrəli Sərəncamı ilə Azərbaycan Respublikasının Nazirlər Kabinetinə müvafiq tədbirlər planının hazırlanıb həyata keçirilməsi tapşırılıb.

Xatırladaq ki, Azərbaycanın Birinci vitse-prezidenti Mehriban Əliyevanın təşəbbüsü ilə bu gün respublikamızda 650 min ağacın əkilməsi nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.