İDMAN


Səbinə Əzimova Azərbaycan Kubokunun qalibi olub

Bakı, 29 noyabr, AZƏRTAC

Noyabrın 29-da Şüvəlandakı Ağır Atletika Akademiyasında ağır atletika üzrə Azərbaycan kuboku start götürüb.

Azərbaycan Ağır Atletika Federasiyasından AZƏRTAC-a bildiriblər ki, körpücük üzərinə ilk olaraq qadınlar çıxıblar. Sinkleyr cədvəli üzrə mütləq qalibin müəyyən edilməsi uğrunda zərif cinsin nümayəndələrinin mübarizəsində Səbinə Əzimova fəxri kürsünün ən yüksək pilləsinə qalxıb. On səkkiz yaşlı atlet toplam 172 kiloqram (75+97) nəticə və 253,22 Sinkleyr xalı ilə təcrübəli rəqiblərini üstələməyi bacarıb.

İkinci yerə 171 kiloqram nəticə ilə (78+93) 233,29 xal toplayan Boyanka Kostova layiq görülüb. Üçüncü yeri isə 164 kiloqram (72+92) nəticə və 213,11 xalla Firuzə İbrahimova tutub.

“Bu cür mötəbər yarışda iştirak etmək çox yaxşıdır. Kuboka hazırlığım çox ciddi keçdi. Yarışda rəqiblərimi asanlıqla məğlub edə bildim. Qarşıda Qətərdə baş tutacaq turnir var. Orada da yaxşı çıxış edib qızıl medal qazanmaq istəyirəm”, - deyə S.Əzimova bildirib.

Qeyd edək ki, Azərbaycan kubokunun keçirilməsində məqsəd atletlərin hazırlıq səviyyəsinin yoxlanılması, ehtiyat qüvvənin nəzərdən keçirilməsi, güclü idmançıların seçilməsidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.