SİYASƏT
Seçki bülletenlərinin hazırlanması müddəti sabah başa çatır
Bakı, 29 yanvar, AZƏRTAC
Azərbaycanda fevralın 9-na təyin edilmiş növbədənkənar parlament seçkilərində “exit-poll” keçirmək üçün müraciət etmiş təşkilatların akkreditasiyası barədə qərarın qəbul edilməsi müddəti sabah başa çatır.
AZƏRTAC Secki-2020.az saytına istinadla xəbər verir ki, Azərbaycan Respublikasında parlament seçkilərinin hazırlanıb keçirilməsi üzrə əsas hərəkət və tədbirlərin Təqvim Planına əsasən, bu barədə qərar Mərkəzi Seçki Komissiyası tərəfindən səsvermə gününə ən azı 10 gün qalanadək, yəni, 2020-ci il yanvarın 30-dək qəbul edilməlidir.
Yanvarın 30-da, həmçinin seçki bülletenlərinin hazırlanması müddəti də başa çatır.