SİYASƏT


Səfir: Azərbaycan və Türkiyə mübarizlikləri ilə ortaq maraqlarını, təhlükəsizliklərini qoruyacaqlar

Kiyev, 8 sentyabr, AZƏRTAC

Türkiyənin qardaş ölkə Azərbaycanla münasibətləri strateji səviyyədədir. Çoxtərəfli dostluğumuz yüksəksəviyyəli qarşılıqlı səfərlərlə güclənir və ölkələrimiz bir çox sahələrdə başqalarına nümunə olacaq strateji layihələr həyata keçirirlər.

Bu fikri AZƏRTAC-a məxsusi açıqlamasında Türkiyənin Ukraynadakı səfiri Yağmur Əhməd Güldərə söyləyib.

Səfirin sözlərinə görə, Türkiyə Qarabağ da daxil olmaqla Azərbaycanın ərazi bütövlüyünə açıq dəstək göstərir. Türkiyə Dağlıq Qarabağ münaqişəsinin Azərbaycanın ərazi bütövlüyü və suverenliyi çərçivəsində sülh yolu ilə həllinin tərəfdarıdır.

“İyul ayında Ermənistanın Azərbaycana hücumları ölkəmiz tərəfindən ən yüksək səviyyədə qınanıldı. Türkiyə Xarici İşlər Nazirliyi bununla bağlı verdiyi açıqlamada ölkənin bütün imkanları ilə Azərbaycanın yanında olacağını bəyan edib”, - deyə səfir bildirib.

Diplomat vurğulayıb ki, Türkiyə-Azərbaycan tərəfdaşlığının, dostluğunun qapısı bölgədə sabitlik, sülh və firavanlıq istəyən hər kəsə açıqdır. “İki dövlət, bir millət” şüarını rəhbər tutaraq Azərbaycan və Türkiyənin mübarizlikləri ilə ortaq maraqlarını və təhlükəsizliklərini qoruyacaqlarını, beynəlxalq hüquqa zidd hərəkətlərə qarşı çıxacaqlarını hər kəs bilməlidir.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.