İQTİSADİYYAT


Səfir: Qarabağ münaqişəsinin başa çatması bölgədə iqtisadi əməkdaşlığı inkişaf etdirəcək

Moskva, 28 sentyabr, AZƏRTAC

İran, Azərbaycan və Rusiya “Şimal-Cənub” Beynəlxalq Nəqliyyat Dəhlizinin reallaşdırılması istiqamətində uğurla əməkdaşlıq edir və biz əminik ki, bu əməkdaşlıq öz nəticələrini verəcək.

Bu fikirləri İranın Rusiyadakı səfiri Kazım Cəlali AZƏRTAC-ın müxbiri ilə söhbətində söyləyib.

Səfirin sözlərinə görə, üç ölkə dəmir yollarının və avtomobil əlaqəsinin inkişafında da sıx qarşılıqlı fəaliyyət göstərir. “Dəmir yollarına gəldikdə biz “Rəşt-Astara” dəmir yolunun inşasının tezliklə başa çatacağına ümid bəsləyirik. Həmçinin İranın Çabahar və Zahedan şəhərləri arasında da dəmir yolu xətti tikilir”, - deyə səfir əlavə edib.

K.Cəlali Qarabağ münaqişəsinin başa çatması ilə bölgədə iqtisadi və humanitar sahədə əməkdaşlığın inkişaf edəcəyinə ümid bəslədiyini diqqətə çatdırıb.

Fəridə Abdullayeva

AZƏRTAC-ın xüsusi müxbiri

Moskva 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.