SİYASƏT


Səfirlik David Babayanın Rusiyaya səfəri ilə bağlı xəbərlərə aydınlıq gətirib

Moskva, 28 iyun, AZƏRTAC

Özünü “Artsax Respublikasının xarici işlər naziri” kimi təqdim edən David Babayanın iyunun 21-27–də Rusiyaya “işgüzar səfər” etməsi və burada bir sıra görüşlər keçirməsinə dair erməni KİV-də yayılmış xəbərlərlə bağlı səfir Polad Bülbüloğlu Rusiya Federasiyasının səlahiyyətli orqanlarına sorğu ilə müraciət edib.

Səfirlikdən Rusiya tərəfindən daxil olmuş rəsmi məlumata əsasən AZƏRTAC-a bildiriblər ki, yuxarıda adı çəkilən şəxs göstərilən tarixlərdə Rusiya ərazisində şəxsi məqsədlərlə olub, onun “işgüzar səfər” etməsi barədə yayılan xəbərlər həqiqəti əks etdirmir. Onun Moskvada keçirdiyi bütün görüşləri şəxsi xarakter daşıyıb və Rusiyanın heç bir rəsmi şəxsi onunla görüşməyib.

Səfirlik bir daha vurğulayır ki, belə “səfərlər” barədə yayılan xəbərlər təxribat xarakterlidir və ictimaiyyəti çaşdırmaq və Azərbaycan-Rusiya əməkdaşlığına kölgə salmaq məqsədi daşıyır. Diplomatik nümayəndəlikdə xatırladıblar ki, Azərbaycanın Qarabağ bölgəsində yaşayan erməni əsilli şəxslər Rusiya ərazisinə Ermənistan Respublikasının pasportu ilə daxil olurlar.

 

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.