CƏMİYYƏT


Səhiyyə Nazirliyi Aparatının rəhbəri: COVID-19 elə bir infeksiyadır ki, qısa zamanda xəstənin vəziyyəti dəyişə bilər

Bakı, 30 iyun, AZƏRTAC 

Bir çox vətəndaşlarımız özlərində COVID-19-un əlamətlərini hiss etsələr də, onu başqalarına bildirməkdən çəkinirlər. Onlar bunu müəyyən müddət gizlədir və özbaşına müalicə tədbirləri görüb nəticə gözləyirlər.

AZƏRTAC xəbər verir ki, bu barədə Səhiyyə Nazirliyi Aparatının rəhbəri Nadir Zeynalov Nazirlər Kabinetinin yanında Operativ Qərargahın iyunun 30-da keçirdiyi mətbuat konfransında bildirib.

O deyib: “COVID-19 elə bir infeksiyadır ki, qısa zaman ərzində xəstənin vəziyyəti dəyişə bilər. Əgər ağırlaşma hallarını az görmək istəyiriksə, infeksiyaya dair əlamətləri özündə hiss edənlər həkimə müraciət etməlidirlər. Onların belə hallarda poliklinikaya, sahə həkiminə müraciət etmələrini məsləhət görürəm. Lakin həmin şəxslərin özlərinin poliklinikaya getmələri məsləhət deyil, çünki onlar poliklinikada digər insanları yoluxdura bilərlər”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.