CƏMİYYƏT


Səhiyyə Nazirliyinin rəsmisi: Təəssüf ki, bəzi vətəndaşlar koronavirus təhlükəsini hələ də dərk etmirlər

Bakı, 30 mart, AZƏRTAC

Son zamanlar ölkə daxilində də insanların bir-birini koronavirus infeksiyasına yoluxdurma hallarında artım qeydə alınır. İnfeksiyaya daxili yoluxma hallarının daha da artmasının qarşısını almaq məqsədilə məcburi şəkildə xüsusi karantin rejimi tətbiq olunub. Buna səbəb bəzi vətəndaşların hələ də koronavirus təhlükəsini dərk edə bilməməsi, xəbərdarlıqlara məhəl qoymamasıdır.

AZƏRTAC xəbər verir ki, bu fikirləri Səhiyyə Nazirliyinin mətbuat xidmətinin rəhbəri Pərviz Abubəkirov deyib.

Onun sözlərinə görə, xəbərdarlıqlar arasında insanlarla yaxın təmasdan çəkinmək də var. Çünki koronavirusun inkubasiya dövrünü nəzərə alsaq, hətta xəbərimiz olmadan belə həmin virusun daşıyıcısı ola bilərik. Lakin bəzi vətəndaşlar buna məhəl qoymur, qonaq gedir, evlərinə qonaq çağırırlar. Xüsusi karantin rejimi də belə halların qarşısını almağa yönəlib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.