MƏDƏNİYYƏT


Şəhla Aslan: Bakı Slavyan Universitetinin yaradıcılıq fakültəsində gözəl şərait yaradılıb

Bakı, 19 dekabr, Ayişə Axundova, AZƏRTAC

Dekabrın 18-də Bakı Slavyan Universitetində (BSU) bu ali məktəbin yaradıcılıq fakültəsinin ikinci kurs tələbəsi, gənc yazıçı Şəhla Aslanın “Qudsal Dönüş” kitabının təqdimatı keçirilib. 2014-cü ildə “CFC Pressium” MMC nəşriyyatında çapdan çıxmış bu kitaba gənc müəllifin eyniadlı povesti və hekayələri daxildir. Kitab geniş oxucu auditoriyasına ünvanlanıb.

AZƏRTAC-a eksklüziv müsahibəsində Şəhla Aslan deyib: “Mən Yardımlı rayonunda doğulmuşam. Uşaqlıqdan doğma yurdun təbiətinin gözəllikləri canıma-qanıma hopub. Ailəmizin üzvləri həmişə ədəbiyyata meyilli olublar, məni də yaradıcılığa həvəsləndiriblər.

Mən fəal ədəbi yaradıcılıqla məşğulam, persona.az saytının baş redaktoruyam. Bu saytda tez-tez gənc müəlliflərin, o cümlədən BSU-nun yaradıcılıq fakültəsinin tələbələrinin əsərləri yerləşdirilir. Fakültəmizdə ədəbi istedadın inkişafı üçün çox yaxşı şərait yaradılıb, peşəkar tənqidçilər nəsli yetişdirilir”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.