İDMAN


Şəhriyar Məmmədyarov “Superbet Chess Classic” turnirində növbəti görüşünü ABŞ şahmatçısına qarşı keçirəcək

Bakı, 13 may, AZƏRTAC

Bu gün Rumıniyanın paytaxtı Buxarestdə “Grand Chess Tour” seriyasının ilk mərhələsi olan “Superbet Chess Classic” şahmat turnirinin səkkizinci turunun oyunları keçiriləcək.

AZƏRTAC xəbər verir ki, yarışda iştirak edən Azərbaycan şahmatçısı Şəhriyar Məmmədyarov növbəti turda ABŞ şahmatçısı Leyner Domingeslə qarşılaşacaq.

Təmsilçimiz ötən turda ilk qələbəsini qazanıb. Belə ki, şahmatçımız rusiyalı rəqibi Yan Nepomnyaşi üzərində qələbə qazanaraq xalların sayını 3-ə çatdırıb. Bununla da o, autsayderlikdən çıxaraq hazırda 7-9 -cu yerləri bölüşür. Dairəvi sistem üzrə təşkil olunan və mayın 14-dək davam edəcək turnirin ümumi mükafat fondu 350 min ABŞ dollarıdır.

Xatırladaq ki, Ş.Məmmədyarov 2021-ci ildə keçirilmiş “Superbet Chess Classic” turnirinin qalibi olub.

 

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.