REGİONLAR


Şəki 3 nömrəli Uşaq Musiqi Məktəbinin şagirdləri beynəlxalq müsabiqədə növbəti uğur qazanıblar

Şəki, 4 mart, Mustafa Dadaşov, AZƏRTAC

Şəki şəhər 3 nömrəli Uşaq Musiqi Məktəbinin şagirdləri Rusiyanın Kazan şəhərində keçirilən xalq çalğı alətləri ifaçılarının “Solo-folk” Beynəlxalq onlayn müsabiqəsində uğurla çıxış edərək, müsabiqənin diplomantı və laureatı adını qazanıblar.

Bu barədə AZƏRTAC-ın bölgə müxbirinə Şəki Regional Mədəniyyət İdarəsindən məlumat verilib.

Bildirilib ki, onlayn formada keçirilən beynəlxalq müsabiqənin yekun nəticələrinə əsasən, musiqi məktəbinin qarmon ixtisası üzrə şagirdləri Nicat Nuhov və Röyal Şıxəliyev müsabiqənin 1-ci dərəcəli diplomantı, Elnur Çərkəzov isə 3-cü dərəcəli laureatı adlarına layiq görülüblər.

Şagirdləri müsabiqəyə hazırlayan ixtisas müəllimləri Elbrus Mustafayev və Toğrul Nəsibli təşəkkürnamələr, konsertmeysterlər Ceyran Məmmədova və Elşən Qaffarov isə “Ən yaxşı konsertmeyster” diplomları ilə mükafatlandırılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.