REGİONLAR


Şəki rayonunda əhalinin sayı açıqlanıb

Şəki, 30 iyul, Mustafa Dadaşov, AZƏRTAC

Cari ilin yanvar-iyun aylarında Şəki rayonunda əhalinin sayı 234 nəfər artaraq 189 min 328 nəfərə çatıb. Onlardan 68 min 346 nəfəri şəhər, 120 min 982 nəfəri isə kənd əhalisidir. Əhalinin 36,1 faizi şəhər, 63,9 faizi isə kənd yerlərində məskunlaşıb. Rayonda əhalinin sıxlığı 1 kvadrat kilometrə 78 nəfər təşkil edir.

Bu barədə AZƏRTAC-ın bölgə müxbirinə Şəki Şəhər Statistika İdarəsinin rəisi Qəşəm Kərimov məlumat verib.

İdarə rəisi bildirib ki, bu ilin yanvar-iyun aylarında Şəki rayonunda 1031 uşaq dünyaya gəlib. Onların 288 nəfəri şəhər, 743 nəfəri isə kənd əhalisinin payına düşür. Altı ayda rayonda 870 ölüm halı qeydə alınıb. Həmin müddətdə rayon Qeydiyyat şöbəsi tərəfindən Şəkidə 443 nikah və 115 boşanma halı rəsmiləşdirilib.

2021-ci ilin yanvar-iyun aylarında əhalinin təbii artımı 161 nəfər olub. Bu, ötən ilin eyni dövrü ilə müqayisədə 349 nəfər azdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.