REGİONLAR


Şəki teatrında yeni tamaşanın məşqlərinə başlanılıb

Şəki, 15 oktyabr, Mustafa Dadaşov, AZƏRTAC

Sabit Rəhman adına Şəki Dövlət Dram Teatrında tanınmış türk dramaturqu Bayazit Gülercanın “Dəniz küləyi lodos” pyesi üzərində məşqlərə başlanılıb.

AZƏRTAC-ın bölgə müxbiri xəbər verir ki, tamaşanın quruluşçu rejissoru Əməkdar incəsənət xadimi Mirbala Səlimli, quruluşçu rəssamı Nicat Məmmədov, geyim üzrə rəssamı Sahib Əhmədli, musiqi tərtibatçısı Zeynəb Orucovadır.

Tamaşada əsas rolları Əməkdar artistlər Xanlar Həşimzadə, Əbülfət Salahov, Rəhim Qocayev, İqrar Salamov, Akif Yusifov, aktyorlar Orxan Həmidli, Lalə Məmməd, Nərmin Abbasova, Xəyal Salahov və başqaları ifa edirlər.

Əsərdəki hadisələr dəniz sahilində yerləşən şəhərin balıqçılar məhəlləsində baş verir. Ailələrin özünəməxsus dramları, məhəllə ənənələri, münaqişə və mübahisələr əsərin ümumi mənzərəsini təşkil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.