REGİONLAR


Şəkidə 1355 hektar sahədə silos üçün təkrar qarğıdalı əkilib

Şəki, 19 avqust, Mustafa Dadaşov, AZƏRTAC

Taxıl biçini başa çatdıqdan sonra Şəki rayonunun təsərrüfatlarında 1011 hektar sahədə təkrar qarğıdalı əkininin aparılması proqnozlaşdırılırdı. Dövlətin bu sahəyə dəstəyindən ruhlanan torpaq mülkiyyətçiləri cari mövsümdə proqnozdan çox - 1355 hektar sahədə silos üçün təkrar qarğıdalı əkiblər.

Bu barədə AZƏRTAC-ın bölgə müxbirinə Şəki Dövlət Aqrar İnkişaf Mərkəzindən məlumat verilib.

Qurumdan bildirilib ki, təkrar əkinlərin 37 hektarı Şəki Regional Aqrar Elm və İnnovasiya Mərkəzi, 1318 hektarı isə torpaq mülkiyyətçiləri tərəfindən aparılıb. Təkrar əkin aparılmış sahələrdə bitiş normaldır.

Qeyd edək ki, bu il təkrar qarğıdalı əkininə görə fermerlərə toxum almaq üçün dövlət tərəfindən hər hektara 60 manat birdəfəlik vəsait ödəniləcək. Təkrar əkinlər həm aqroekoloji, həm də iqtisadi baxımdan səmərəlidir. Mütəxəssislər hesab edirlər ki, respublikada mal-qaranın qüvvəli və yaşıl yemə olan tələbatını tam təmin etmək üçün təkrar əkinlərdən istifadə vacib sayılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.