CƏMİYYƏT


Şəkidə “Speak out” natiqlik məktəbinə start verilib

Bakı, 11 sentyabr, AZƏRTAC 

“Vətəndaş Cəmiyyətində Debat” İctimai Birliyinin (DVC) Azərbaycan Respublikası Gənclər Fondunun maliyyə dəstəyi ilə Şəkidə reallaşdırdığı “Speak out” natiqlik məktəbinin açılış mərasimi olub.

DVC-dən AZƏRTAC-a bildiriblər ki, “Speak out” natiqlik məktəbinin məqsədi gənclərin natiqlik bacarıqlarının, araşdırma qabiliyyətlərinin inkişaf etdirilməsi, dünyagörüşlərinin, komanda ruhunun və fəallıqlarının artırılması, mövzuların tədqiqində onlara kömək göstərilməsidir.

Natiqlik məktəbində Bakı ilə yanaşı, on regiondan gənclər iştirak edirlər. Gənclər “Natiqlik sənəti”, “Diksiya”, “Ünsiyyət bacarıqları” adlı təlimlərdə və “Nə?, Harada?, Nə zaman?”, “Breyn-rinq” intellektual oyunlarında iştirak edəcəklər. İştirakçılar natiqlik, fərdi inkişaf təlimləri ilə yanaşı, debat oyunları vasitəsilə də praktiki biliklərə yiyələnəcəklər.

“Speak out” natiqlik məktəbinə sentyabrın 14-də yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.