REGİONLAR


Şəkidə “Uşaq hüquqlarının müdafiəsi” mövzusunda seminar keçirilib

Bakı, 14 noyabr, AZƏRTAC

“Azərbaycan Respublikasında insan hüquqlarının müdafiəsi üzrə Milli Fəaliyyət Planı"na uyğun olaraq, bu ilin oktyabrın 20-dən noyabrın 20-dək “Uşaq hüquqları aylığı” elan edilib.

İqtisadiyyat Nazirliyinin mətbuat xidmətindən AZƏRTAC-a bildiriblər ki, “Uşaq hüquqları aylığı” çərçivəsində Şəki Şəhər İcra Hakimiyyətinin dəstəyi, Bakı Biznes Tədris Mərkəzinin Şəki nümayəndəliyinin təşkilatçılığı ilə Şəki Şəhər 5 saylı tam orta məktəbdə seminar keçirilib.

Aylıq çərçivəsində ölkənin şəhər və rayonlarında uşaq hüquqlarının qorunması və təbliği istiqamətində maarifləndirmə tədbirləri, “dəyirmi masa”lar, treninq-seminarlar, orta məktəblərdə, uşaq müəssisələrində müsabiqə və sərgilər təşkil olunur. İnsan Hüquqları üzrə Müvəkkilin (Ombudsmanın) təşəbbüsü ilə keçirilmiş aylığın məqsədi uşaq hüquqlarına diqqətin daha da artırılmasıdır.

Seminarda insan hüquqlarının qorunması sahəsində qanunvericilik və beynəlxalq təcrübə barədə ətraflı məlumat verilib.

Bildirilib ki, uşaq hüquqlarının tam təmin edilməsi ölkəmizdə bu sahədə həyata keçirilən dövlət siyasətinin tərkib hissəsidir. Bu baxımdan, son illər uşaq hüquqlarının müdafiəsi, uşaqların sağlamlığının möhkəmləndirilməsi, onların müasir tələblər səviyyəsində təhsil alması üçün ölkədə sistemli tədbirlər həyata keçirilir.

Seminarda, həmçinin bu cür tədbirlərin təşkilinin uşaqların hüquqlarının qorunmasında, onların qayğı ilə əhatə olunmasında, layiqli vətəndaş kimi formalaşmasında əhəmiyyəti vurğulanıb.

Uşaq hüquqlarına həsr edilmiş tədbirlərin digər rayonlarda da keçirilməsi nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.