İDMAN


Şəkidə keçirilən stolüstü tennis üzrə respublika turnirinin qalibləri mükafatlandırılıb

Bakı, 12 sentyabr, AZƏRTAC

Şəkidə keçirilən və şəhid general-mayor Polad Həşimovun xatirəsinə həsr olunan stolüstü tennis üzrə respublika turnirinin qalibləri müəyyənləşib.

Azərbaycan Stolüstü Tennis Federasiyasının idman şöbəsinin müdiri Könül Mikayılovanın AZƏRTAC-a verdiyi məlumata görə, Şəki Olimpiya İdman Kompleksinin ərazisində açıq havada oğlanlar və qızlar arasında keçirilən yarışda 10 qız və 10 oğlan komandası mübarizə aparıb. Yarışda oğlanlar arasında ən yüksək nəticəni Şəki komandası göstərib. İkinci və üçüncü yerləri müvafiq olaraq Balakən və Qax rayonlarının stolüstü tennisçiləri qazanıblar. Qızların mübarizəsində ilk üçlükdə Qax, Balakən və Şəki tennisçiləri qərarlaşıblar.

Sonda qaliblərin mükafatlandırılması mərasimi keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.