REGİONLAR


Şəkinin təsərrüfatlarında 37 min hektardan çox sahədə yay şumu çıxarılıb

Şəki, 17 sentyabr, Mustafa Dadaşov, AZƏRTAC

Şəki rayonunun təsərrüfatlarında payızlıq bitkilərin səpini üçün yay şumunun çıxarılması davam edir. İndiyədək təsərrüfatlarda 37 min 180 hektar sahədə yay şumu qaldırılıb. Səpin aparılacaq sahələrin şumlanmasına 137 traktor cəlb olunub. Bu ilin payızında rayonda gələn ilin məhsulu üçün 65 min hektar sahədə payızlıq dənlilərin səpini proqnozlaşdırılır.

Bu barədə AZƏRTAC-ın bölgə müxbirinə Şəki Dövlət Aqrar İnkişaf Mərkəzinin direktor müavini Nurəddin İbrahimov məlumat verib.

Xatırladaq ki, cari mövsümdə şəkili fermerlər 65 min 471,7 hektar taxıl sahəsindən 198 min 718 ton məhsul götürüblər. Hər hektara görə orta məhsuldarlıq 30,3 sentner təşkil edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.