REGİONLAR


Şəkinin uşaq xor kollektivi beynəlxalq onlayn festival-müsabiqənin Qran-Prisinə layiq görülüb

Şəki, 18 yanvar, Mustafa Dadaşov, AZƏRTAC

Şəki şəhər 3 nömrəli Uşaq Musiqi Məktəbinin “Biz sülh göyərçinləriyik” adlı uşaq xor kollektivi Qazaxıstanın paytaxtı Nur-Sultan şəhərində keçirilən VI Beynəlxalq “Milad ulduzları” adlı onlayn festival-müsabiqədə birinci yeri tutub və festivalın Qran-Prisinə layiq görülüb.

Bu barədə AZƏRTAC-ın bölgə müxbirinə Şəki Regional Mədəniyyət İdarəsindən məlumat verilib.

Bildirilib ki, müsabiqədə iştirak edən musiqi məktəbinin fortepiano ixtisası üzrə şagirdlərindən Melisa Məcidova və Sona Həsənli 1-ci dərəcəli, Nübar Əbdürrəhmanova, Şəhrizad Süleymanzadə və Aişə Fətəliyeva isə 2-ci dərəcəli laureat adını qazanıblar.

Kollektivi və şagirdləri festival-müsabiqəyə hazırlayan ixtisas müəllimlərinə təşəkkür məktubları göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.