İQTİSADİYYAT


Səkkiz ayda Aktau–Bakı fider xətti üzrə 9 minədək konteyner daşınıb

Nur-Sultan, 8 sentyabr, AZƏRTAC

Qazaxıstanın Aktau və Kurık dəniz limanları vasitəsilə cari ilin 8 ayı ərzində 3,8 milyon tondan çox yük daşınıb. Artım yük nəqliyyat vasitələrinin və konteynerlərin yenidən yüklənmə həcmləri baxımından qeyd olunur.

AZƏRTAC Qazaxıstanın Sənaye və İnfrastruktur İnkişaf Nazirliyinin məlumatına istinadla xəbər verir ki, hesabat dövründə yerli ticarət donanması tərəfindən Xəzəryanı ölkələrin limanlari arasında 1,5 milyon ton yük daşınıb. O cümlədən bu dövrdə Aktau–Bakı fider xətti üzrə 9 minə yaxın konteyner daşınıb.

Bundan başqa, daxili yük daşımalarının həcmi təxminən 1,3 milyon ton təşkil edib ki, bunun da 200 min tonu Rusiya istiqamətində daşımaların payına düşüb.

 

İlahə Əhmədova

AZƏRTAC-ın xüsusi müxbiri

Nur-Sultan

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.