DÜNYA


Səksən altı yaşlı yapon səyyah Akonkaqua zirvəsini fəth etmək niyyətindədir

Tokio, 3 yanvar, AZƏRTAC

Yapon səyyah Yuçiro Miura Cənubi Amerikanın ən yüksək zirvəsi olan Akonkaquaya qalxmaq üçün Argentinaya yola düşüb.

AZƏRTAC xəbər verir ki, 86 yaşlı Y.Miuranın direktoru olduğu məktəbin 15 şagirdi onu yola salmaq üçün yanvarın 2-də Tokionun “Haneda” aeroportuna gəlib.

Y.Miura məktəblilərə bildirib ki, onların arzuları onun enerjisini artırır və onu daha da cəsarətli edir. Eyni zamanda, şagirdlərin gətirdikləri Yeni il şirniyyatları da ona güc verir.

Qeyd edək ki, And dağlarında yerləşən Akonkaqua zirvəsi 6960 metr hündürlüyə malikdir. İndiyədək bu zirvəni fəth etmək üçün göstərilən 10 cəhddən yalnız üçü uğurla nəticələnib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.