DÜNYA


Sel İranın balıqçılıq təsərrüfatına 95 milyon dollar ziyan vurub

Tehran, 11 aprel, AZƏRTAC

Sel və daşqınlar İranın balıqçılıq təsərrüfatına 95 milyon dollar həcmində ziyan vurub.

AZƏRTAC xəbər verir ki, sel çay kənarlarında qurulmuş balıqçılıq təsərrüfatlarının hovuzlarını yuyub aparıb. Nəticədə 3 min ton balıq məhv olub.

İranın Balıqçılıq Təsərrüfatı Təşkilatının sədr müavini Hüseyn Abdullahi jurnalistlərə bildirib ki, İran balıq ixracına görə aparıcı yerlərdən birini tutur. Ötən il İran 500 milyon dollar həcmində balıq ixrac edib. Lakin bu il baş verən daşqınlar ixracın həcmini azaldacaq. Onun sözlərinə görə sel zamanı Lorestan, Çaharmahal və Bəxtiyari vilayətlərindəki balıqçılıq təsərrüfatları tamamilə dağılıb. Hazırda araşdırma aparılır və dəyən ziyanın məbləği müəyyən edilir. Hökumət sel nəticəsində ziyana düşən təsərrüfat sahiblərinə kompensasiya verəcək.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.